2015 jylǵy 27 naýryz, Astana qalasy
«Zańsyz saqtalǵan atys qarýyn, oq-dárini jáne jarylǵysh zattardy azamattardyń erikti túrde ótemdi tapsyrý qaǵıdalaryn bekitý týraly»
«Jekelegen qarý túrleriniń aınalymyna memlekettik baqylaý jasaý týraly» 1998 jylǵy 30 jeltoqsandaǵy Qazaqstan Respýblıkasy Zańynyń 29-baby 1-tarmaǵynyń 8-3) tarmaqshasyna sáıkes buıyramyn:
1. Qosa berilip otyrǵan Zańsyz saqtalǵan atys qarýyn, oq-dárini jáne jarylǵysh zattardy azamattardyń erikti túrde ótemdi tapsyrý qaǵıdalary bekitilsin.
2. Qazaqstan Respýblıkasy Ishki ister mınıstrliginiń Ákimshilik polısııa komıteti:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty memlekettik tirkegennen keıin kúntizbelik on kún ishinde ony merzimdi baspa basylymdarynda resmı jarııalaýǵa joldaýdy;
3) osy buıryqty Qazaqstan Respýblıkasy Ishki ister mınıstrliginiń ınternet-resýrsynda ornalastyrýdy qamtamasyz etsin.
3. Oblystardyń, Astana jáne Almaty qalalarynyń ishki ister departamentteriniń bastyqtary osy buıryqty tıisti qyzmetter qyzmetkerleriniń zerdeleýin uıymdastyrsyn jáne onyń múltiksiz oryndalýyn qamtamasyz etsin.
4. Osy buıryqtyń oryndalýyn baqylaý Ishki ister mınıstriniń orynbasary polısııa general-maıory E.Z. Týrgýmbaevqa júktelsin.
5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr polısııa general-leıtenanty Q. QASYMOV
«KELISILDI»
Qazaqstan Respýblıkasy Qarjy mınıstri ______________B. Sultanov
2015 j __________________
Qazaqstan Respýblıkasy Ishki ister mınıstriniń
2015 jylǵy 27 naýryzdaǵy №266 buıryǵymen bekitilgen
Zańsyz saqtalǵan atys qarýyn, oq-dárini jáne jarylǵysh zattardy
azamattardyń erikti túrde ótemdi tapsyrý qaǵıdalary
1. Jalpy erejeler
1. Osy Zańsyz saqtalǵan atys qarýyn, oq-dárini jáne jarylǵysh zattardy azamattardyń erikti túrde ótemdi tapsyrý qaǵıdalary (budan ári - Qaǵıdalar) zańsyz saqtalǵan atys qarýyn, oq-dárini, jarylǵysh zattardy anyqtaý jáne ótemdi negizde alyp qoıý jónindegi aldyn alý is-sharalarynyń tıimdiligin arttyrý, jumysty jetildirý maqsatynda ázirlendi.
2. Qaǵıdalarda mynadaı negizgi uǵymdar paıdalanylady:
1) qarý - konstrýksııalyq jaǵynan alǵanda tiri nemese ózge de nysanany zaqymdaýǵa, sondaı-aq belgi berýge arnalǵan qurylǵylar men zattar;
2) atys qarýy - oq dári nemese ózge de zarıad qýatynyń áseri nátıjesinde uńǵy oqpanynan oqty, snarıadty, granatany ushyryp shyǵaratyn qarý;
3) oq-dári (patrondar) - konstrýksııalyq jaǵynan qarýdyń tıisti túrinen atý úshin jáne nysanany zaqymdaýǵa arnalǵan qurylǵylar nemese zattar;
4) jarylǵysh zat - syrtqy áser etýdiń belgili bir túrleri kezinde jylý bóle otyryp jáne gazdyń paıda bolýymen ózdiginen jyldam taralatyn hımııalyq ózgerýge qabiletti zat.
3. Zańsyz saqtalǵan atys qarýyn, oq-dárini jáne jarylǵysh zattardy erikti túrde tapsyrǵan azamattar osy Qaǵıdalardyń 17-tarmaǵynda belgilengen mólsherde aqshalaı syıaqy alady.
4. Atys qarýyn, oq-dárini jáne jarylǵysh zattardy ótemdi tapsyrýǵa shyǵystardy qarjylandyrý osy maqsattar úshin kózdelgen respýblıkalyq bıýdjet qarajaty esebinen júrgiziledi.
5. Erikti túrde tapsyrylǵan barlyq atys qarýy, oq-dári, jarylǵysh zattar «Jekelegen qarý tnrleriniń aınalymyna memlekettik baqylaý jasaý týraly» 1998 jylǵy 30 jeltoqsandaǵy № 339 Zańynyń 20-babyna sáıkes kádege jaratýǵa jatady.
Antıkvarlyq qarý (ortalyq soqqydaǵy birtutas patrondarmen atýǵa arnalyp jasalǵan atys qarýynan basqa, 1899 jylǵa deıin jasalǵan atys qarýy) jáne mádenı qundylyǵy bar qarý komıssııanyń sheshimi boıynsha Ishki ister mınıstrliginiń, Astana, Almaty qalalarynyń, oblystardyń jáne Kóliktegi ishki ister departamentteri jedel-krımınalıstıkalyq bólimsheleriniń zattaı kolleksııalaryna nemese murajaılaryna berilýi múmkin.
2. Atys qarýyn, oq-dárini jáne jarylǵysh zattardy tapsyrý jáne tirkeý tártibi
6. О́zinde zańsyz saqtalǵan atys qarýyn, oq-dárini jáne jarylǵysh zattardy aqshalaı syıaqyǵa tapsyrýǵa nıet bildirgen azamat qalalyq, aýdandyq ishki ister organdarynyń kez kelgenine aryz beredi, onda óziniń derekterin, tapsyrylatyn qarý-jaraq zattarynyń ataýyn, qarýdyń markasyn, kalıbrin, nómirin, oq-dáriniń sanyn jáne olardy alǵan (satyp alǵan) jerin kórsetedi.
7. Erikti túrde tapsyrý týraly aryz, sondaı-aq erikti túrde tapsyrylǵan barlyq atys qarýy, oq-dári men jarylǵysh zattar qoldanystaǵy zańnamaǵa sáıkes tirkeledi jáne resimdeledi.
8. Azamat ishki ister organyna telefonmen nemese basqa da elektrondyq baılanys quraldaryn paıdalana otyryp, atys qarýyn, oq-dárini nemese jarylǵysh zattardy erikti túrde tapsyrý nıeti týraly aryz bergen (habarlaǵan) kezde atalǵan zattardyń turǵan jerine ishki ister organynyń qyzmetkeri shyǵady, ol aryzdy jáne atalǵan zattardy qabyldaýdy júrgizedi.
9. Azamattar tapsyratyn atys qarýy Qazaqstan Respýblıkasy Ishki ister mınıstrligi Biriktirilgen derekter bankiniń «Krımınaldyq qarý» jáne «Tirkelgen qarý» (budan ári - Qazaqstan Respýblıkasy IIM BDB «Krımınaldyq qarý» jáne «Tirkelgen qarý») esepteri boıynsha tekseriledi.
Eger tapsyrylatyn qarýdyń sáıkestendirý nómiri bolsa jáne «Tirkelgen qarý» esebinde turmasa, onda qarýǵa «KrımQ» degen aqparattyq-izdestirý kartochkasy toltyrylady jáne «Krımınaldyq qarý» degen derekter bankine aqparat engizý úshin aqparattyq-tehnıkalyq qyzmettiń óńirlik bólimshesine jiberiledi.
10. Tapsyrylǵan oıyq uńǵyly qarýdan atys júrgiziledi. Atylǵan oqtar men ǵılzalar tekserý júrgizý úshin Qazaqstan Respýblıkasy Ishki ister mınıstrliginiń Krımınalıstıkalyq oq-gılzotekasyna jiberiledi.
3. Tapsyrylǵan atys qarýy, oq-dári jáne jarylǵysh zattar úshin
syıaqy belgileý jóninde komıssııa qurý jáne onyń jumys tártibi
11. Tapsyrylǵan atys qarýy, oq-dári men jarylǵysh zattar úshin azamattarǵa syıaqy belgileý týraly máselelerdi komıssııa sheshedi.
Komıssııa quramy oblystardyń, Almaty, Astana qalalarynyń ishki ister departamentteri bastyqtarynyń buıryqtarymen bekitiledi ári tyl jáne qarjylyq qamtamasyz etý, lısenzııalyq-ruqsat berý jumysy, krımınaldyq polısııa, ózindik qaýipsizdik, jedel-krımınalıstıkalyq jáne aqparattyq-tehnıkalyq qyzmetter bólimsheleriniń qyzmetkerlerinen turady.
Komıssııa tóraǵasy bolyp qalalyq nemese aýdandyq ishki ister organynyń (budan ári - QAIIO) bastyǵy orynbasarlarynyń biri taǵaıyndalady. Komıssııa hatshysy bolyp komıssııa otyrysyn uıymdastyratyn QAIIO-nyń lısenzııalyq-ruqsat berý jumysynyń qyzmetkeri taǵaıyndalady.
12. Komıssııa oblystardyń, Almaty jáne Astana qalalarynyń ishki ister departamentteriniń árbir QAIIO-synda qurylady.
13. Komıssııa bir aıdan aspaıtyn merzimde usynylǵan materıaldardy qaraıdy, erikti túrde tapsyrylǵan zattar men quraldardyń tehnıkalyq jaı-kúıin, sondaı-aq olardyń erikti túrde tapsyrylǵany úshin beriletin syıaqy mólsherin anyqtaıdy.
14. Komıssııanyń hatshysy azamattyń buıymdar men zattardy erikti túrde tapsyrý týraly ótinishi negizinde mynadaı materıaldardan:
1) erikti túrde tapsyrý týraly ótinishten;
2) osy zattar atys qarýy, oq-dári nemese jarylǵysh zattar bolyp tabylatyndyǵy, sondaı-aq qarýdyń atýǵa jaramdylyǵy nemese jaramsyzdyǵy týraly krımınalıst-mamannyń qorytyndysynan;
3) Qazaqstan Respýblıkasy IIM BDB-nyń «Krımınaldyq qarý» jáne «Tirkelgen karý» esepteri boıynsha tekserý týraly materıaldardan;
4) atylǵan oqtar men gılzalardy (oıyq uńǵyly qarý) Qazaqstan Respýblıkasy IIM Krımınalıstıkalyq oq-gılzatekasy boıynsha tekserý týraly anyqtamadan turatyn «Zattar men quraldardy erikti túrde ótemdi tapsyrý týraly isti» (budan ári - Is) qalyptastyrady.
15. Kózdelgen tekserýlerdi júrgizgennen keıin komıssııa tapsyrylatyn zattardyń, quraldardyń tehnıkalyq jaı-kúıi men syıaqylar mólsheri týraly eki danada (1-qosymsha) jazbasha qorytyndy shyǵarady, ony QAIIO bastyǵy bekitedi jáne eltańbalyq mórmen bekitiledi.
Qorytyndynyń birinshi danasy oblystardyń, Almaty jáne Astana qalalarynyń ishki ister departamentteriniń býhgalterııasyna jiberiledi jáne ol tapsyrylǵan qarý úshin azamatqa syıaqy tóleýge negiz bolyp tabylady. Ekinshi danasy komıssııanyń hatshysynda saqtalatyn iske tigiledi.
16. QAIIO komıssııalarynyń jumys materıaldaryn apta saıyn oblystardyń, Almaty jáne Astana qalalarynyń ishki ister departamentteri jınaqtaıdy, eseptiliktiń bekitilgen nysandary boıynsha Ishki ister mınıstrligi ortalyq apparatynyń tıisti qyzmetterine (Ákimshilik polısııa komıteti, Krımınaldyq polısııa jáne Qarjymen qamtamasyz etý departamentterine) jiberedi.
4. Syıaqy tóleý tártibi
17. О́zderinde zańsyz saqtalǵan atys qarýyn, oq-dárini, jarylǵysh zattardy tapsyrǵan azamattarǵa Qazaqstan Respýblıkasynyń tıisti jylǵa arnalǵan respýblıkalyq bıýdjet týraly Zańynda belgilengen mynadaı aılyq eseptik kórsetkishter mólsherinde:
1) avtomatty oıyq uńǵyly atys qarýynyń ár birligi úshin bir júz eselengen aılyq eseptik kórsetkishke deıin;
2) oıyq uzyn uńǵyly atys qarýynyń (vıntovkalar, karabınder) ár birligi úshin elý eselengen aılyq eseptik kórsetkishke deıin;
3) qysqa oıyq uńǵyly atys qarýynyń (pıstoletter, revolverler) ár birligi úshin qyryq eselengen aılyq eseptik kórsetkishke deıin;
4) tegis uńǵyly atys qarýynyń ár birligi úshin otyz eselengen aılyq eseptik kórsetkishke deıin;
5) jaraqat salatyn tapanshanyń nemese revolverdiń ár birligi úshin on eselengen aılyq eseptik kórsetkishke deıin;
6) árbir granata, mına, jarý qurylǵysy jáne artıllerııalyq snarıad úshin jeti eselengen aılyq eseptik kórsetkishke deıin;
7) jarylǵysh zattardyń árbir 1000 gramy úshin alty eselengen aılyq eseptik kórsetkishke deıin;
8) kalıbri 5,6 mıllımetrden asatyn oıyq qarý patrondarynyń ár birligi úshin aılyq eseptik kórsetkishtiń otyz besten bir bóligine deıin syıaqy;
kalıbri 5,6 mıllımetr (usaq kalıbrli) oıyq qarý patrondarynyń ár birligi úshin aılyq eseptik kórsetkishtiń júz on besten bir bóligine deıin syıaqy belgilenedi.
18. Syıaqy mólsherin belgileý kezinde komıssııalar qarý-jaraq zattarynyń tehnıkalyq jaı-kúıin eskerýi qajet.
18-1. Komıssııalar qarýdyń tehnıkalyq jaı-kúıin aıqyndaý kezinde osy Qaǵıdalarǵa 2-qosymshaǵa sáıkes 3 sanatty qoldanady.
1-sanatqa jatqyzylǵan qarý úshin tólem usynylatyn qunynyń 100 %-y esebinen júrgiziledi.
2-sanatqa jatqyzylǵan qarý úshin tólem usynylatyn qunynyń 70 %-y esebinen júrgiziledi.
3-sanatqa jatqyzylǵan qarý úshin tólem usynylatyn qunynyń 30 %-y esebinen júrgiziledi.
19. Mynalarǵa:
1) krımınalıst-mamannyń qorytyndysy negizinde atys qarýy, oq-dári nemese jarylǵysh zattar bolyp tanylmaǵan;
2) Qazaqstan Respýblıkasy IIM BDB-nyń «Krımınaldyq qarý» jáne «Tirkelgen qarý» esebinde turǵan buıymdar men zattarǵa;
3) qoldan jasalǵan oq-dárige;
4) tegis uńǵyly, gazdy jáne jaraqat salatyn qarýǵa syıaqy tólenbeıdi.
20. Syıaqy tóleýdi aýmaqtyq ishki ister organdarynyń qarjy qyzmetteri turǵyndardan atys qarýyn, oq-dárini, jarylǵysh zattardy ótemdi túrde alyp qoıý jónindegi shyǵyndardyń ornyn toltyrý úshin ashylǵan bıýdjet shotynan aýdarý arqyly júzege asyrady.
21. QAIIO lısenzııalyq-ruqsat berý júıesiniń qyzmetkerleri (komıssııalar músheleri) aqshalaı qarajat tóleý úshin oblystardyń, Almaty jáne Astana qalalarynyń ishki ister departamentteriniń qarjymen qamtamasyz egý qyzmetterine (býhgalterııalaryna) mynadaı qujattardy jiberedi:
1) QAIIO bastyǵy bekitken jáne barlyq komıssııa músheleri qol qoıǵan azamattar tapsyrǵan atys qarýynyń, jarylǵysh zattardyń, oq-dáriniń tehnıkalyq jaı-kúıi jáne olardy tapsyrǵany úshin syıaqy belgileý jónindegi qorytyndy;
2) atys qarýyn, jarylǵysh zattardy nemese oq-dárini erikti túrde tapsyrǵan adamnyń jeke basyn kýálandyratyn qujattyń kóshirmesi;
4) aqshany alýshynyń derekteri jáne aqshany alýshynyń tańdaýy boıynsha bankte ashylǵan jınaq shotynyń nemese tólem kartochkasynyń (kart-shotynyń) nómiri kórsetilgen salymshy kitapshasy (jınaq kitapshasy) paraqtarynyń kóshirmesi.
22. Azamat syıaqy somasyn onyń kart-shotyna, jeke shotyna aqshalaı qarajatty aýdarý jolymen ne ishki ister organynyń kassasy arqyly alady.
23. Aqsha qarajatyn zańsyz tóleýge ákep soqtyrǵan osy Qaǵıdalardyń talaptaryn buzǵany úshin oǵan jol bergen kináli laýazymdy adamdar zańda belgilengen tártippen jaýapqa tartylady.
Zańsyz saqtalǵan atys qarýyn, oq-dárini jáne jarylǵysh zattardy zamattardyń erikti túrde ótemdi tapsyrý qaǵıdalarǵa 1-qosymsha
Nysan
«BEKITEMIN»
________________IIO bastyǵy
__________________________
201 jylǵy « »
Azamattar tapsyratyn atys qarýynyń, jarylǵysh zattardyń, oq-dáriniń tehnıkalyq jaı-kúıi men olardy tapsyrǵany úshin syıaqy belgileý jónindegi komıssııanyń
QORYTYNDYSY
Tóraǵasy: ___________________________________________________________
Komıssııa músheleri:
1) __________________________________________________________________
2) __________________________________________________________________
3) __________________________________________________________________
4) _____________________________________________ quramyndaǵy komıssııa
______________________________________________________ turatyn azamat
(úıiniń mekenjaıy)
(T.A.Á.)_____________________________________________________________
qarýdy ______________________________________________________________
(ataýy, markasy, kalıbri, nómiri, shyǵarylǵan jyly)
jarylǵysh zattardy____________________________________________________
(ataýy, salmaǵy, sany)
oq-dárini erikti túrde tapsyrýy týraly materıaldardy qarap, olardyń
tehnıkalyq jaı-kúıin tekserip, mynalardy_____________________________
_____________________________________________________________________
(sany, kalıbri, qandaı qarýdan)
ANYQTADY:
Azamat ______________________________________________ tapsyrǵan
(T.A.Á.)
Qarýǵa_______________________________________________________________
jarylǵysh zattarǵa____________________________________________________
oq-dárige____________________________________________________________
Qazaqstan Respýblıkasy Úkimetiniń 2015 jylǵy «___»_____№______buıryǵy
qoldanyldy, olardy tapsyrǵany úshin:
qarýǵa ______________ - eselengen aılyq eseptik kórsetkish mólsherinde,
jarylǵysh zattarǵa ___ - eselengen aılyq eseptik kórsetkish mólsherinde,
oq-dárige _______ - eselengen aılyq eseptik kórsetkish mólsherinde syıaqy tóleý qajet.
Mynadaı sebepter boıynsha _____________ tapsyrylǵan qarýǵa joǵaryda
kórsetilgen qaýlynyń kúshi qoldanylmaıdy _____________________________
(qarý, oq-dári, jarylǵysh zattar)
Tóleýge jatatyn jıyny:_______________________________________________
(somasy jazýmen)
Komıssııa tóraǵasy____________________________________________________
Komıssııa músheleri____________________________________________________
201____jylǵy «___»____________
Zańsyz saqtalǵan atys qarýyn, oq-dárini jáne jarylǵysh zattardy azamattardyń erikti túrde ótemdi tapsyrý qaǵıdalarǵa 2-qosymsha
Atys qarýynyń sanattary
1. 1-sanattaǵy qarýǵa:
1) paıdalanýda bolmaǵan jáne tehnıkalyq aqaýlyqtary joq qarý;
2) buryn paıdalanýda bolǵan, biraq kórinetin nemese jasyryn aqaýlyqtary joq, taýarlyq túrin joımaǵan qarý jatady.
2. 2-sanattaǵy qarýǵa:
paıdalanýda bolmaǵan ne paıdalanylǵan, odan ári paıdalanýǵa kedergi bolmaıtyn, olardy joıýdy ne toraptaryn jáne tetikterin aýystyrýǵa nemese qalpyna keltirýge baılanysty emes jóndeý jolymen joıýdy talap etpeıtin, jekelegen tehnıkalyq aqaýlyqtary nemese taýarlyq túriniń aqaýlary bar qarý jatady.
Oǵan:
1) dekoratıvtik, korrozııaǵa qarsy jabyndary men elementteri ishinara (jergilikti) joǵalǵan; jóndeý arqyly joıylatyn nemese orny tolatyn, zaqymdaýdan nemese joǵalýdan bolǵan jekelegen aqaýlyqtary;
2) durys jınamaýdan, retke keltirmeýden nemese kirleýden týyndaıtyn, aýystyrmaı nemese qalpyna keltirmeı jóndeý ne tazalaý jáne maılaý arqyly joıylatyn, jekelegen toraptar men tetikterdiń qyzmet kórsetýinde buzýshylyqtary nemese aqaýlyqtary;
3) joıylǵannan keıin betinde aıtarlyqtaı aqaý qaldyrmaıtyn bólshekterdiń syrtqy jáne ishki jabyndarynda az baıqalatyn jergilikti korrozııasy bar qarýlar jatady.
3. 3-sanattaǵy qarýǵa:
negizgi toraptarynyń, tetikteriniń, bólshekteriniń tehnıkalyq aqaýlyqtary bolýy saldarynan odan ári paıdalanýǵa jaramsyz nemese paıdalaný qaýipti, olardy jóndeý, qalpyna keltirý nemese aýystyrý tehnıkalyq nemese ekonomıkalyq sebepter boıynsha orynsyz bolatyn qarý jatady.
Oǵan:
1) bólshekterdiń syrtqy jáne ishki jabyndarynyń keńinen korrozııaǵa ushyraýy nemese onyń tereń oıyq túrindegi izderi; korrozııalyq prosester saldarynan bólshekterdiń pishini men kóleminiń ózgerýi; synalaný jáne korrozııadan bolǵan tetikter fýnksııalarynyń ózge de buzylýlary;
2) uńǵynyń jabylýyna kedergi keltiretin nemese qarýǵa mehanıkalyq áser etý kezinde (shaıqaý, soǵý, urý, «qıraýǵa» kúsh salý) olardyń ózdiginen ashylýyna ákeletin tetikti jabatyn bólshekterdiń buzylýy nemese bolmaýy;
3) uńǵynyń kez kelgen bóligindegi jarylý, maıysý, qampaıý túrindegi buzylýlary;
4) uńǵynyń standarttyq profıli men kólemine jáne onyń arnalaryna, patron salatyn oryndarǵa (qospalaryn qyrý, jonyp óńdeý, úlkeıtý, keńeıtý, burǵylaý, tyǵyzdaý) engizilgen ózgeristeri;
5) mamandandyrylǵan sheberhanalar jaǵdaıynan tys jasalǵan (dánekerleý, balqytý, bandajdar ornatý, synyqtardy biriktirý, jamaýlar men qaptamalardyń, ózdiginen jasalǵan qarý bólshekteriniń nemese qarýdyń basqa modelderi bólshekteriniń jáne olardy basqa almastyrýshylardyń bolýy) jóndeý belgileri bar;
6) kezdeısoq atýǵa alyp keletin (syrtqy shúrippelerdiń saqtandyrýshy vzvodtarynyń tozýy, saqtandyrǵyshtardyń ózdiginen qosylýy nemese olardyń oqtalǵannan keıin jumys istemeýi) saqtandyrý qurylǵylarynyń aqaýlyqtary;
7) soǵý-basý tetigi bólshekteriniń tozýynan bolǵan nemese olarǵa ózgerister engizý jolymen ádeıi qol jetkizilgen qarýdyń tıisti modelderi nemese toptary úshin belgilengen normamen salystyrǵanda oqtalǵan jaǵdaıdan shúrippeni (syrtqy shúrippelerdiń) basý úshin qajet kúshtiń 20 paıyzdan astamǵa azaıýy;
8) qalyppen qosylǵan jerinde tabannyń qozǵalýy (lıýft); tabannyń buzylýynan, jabý tetigi bólshekteriniń buzylýynan týyndaǵan qalypqa qatysty uńǵynyń qozǵalýy (lıýft); uńǵynyń turaqty bóligi men qalyptyń arasynda 0,2 mm-den asatyn sańylaýdyń bolýy;
9) tabannyń buzylýy, tabannyń pishini men mólsherin standarttyq túrmen salystyrǵanda ózdiginen ázgertýleri bar qarýlar jatady.
Buıryq Qazaqstan Respýblıkasynyń Ádilet mınıstrliginde 2015 jylǵy 29 sáýirde Normatıvtik quqyqtyq kesimderdi memlekettik tirkeýdiń tizilimine №10840 bolyp engizildi.